اسلام آباد (این این آئی)سیشن عدالت اسلام آباد نے سرکاری ملازم سردار حمزہ قتل کیس میں ملزم سابق ایس پی عارف شاہ کو سزائے موت سنادی۔

ایڈیشنل سیشن جج افضل مجوکہ نے کیس کا فیصلہ سنایا۔ملزم عارف شاہ کو 10 لاکھ روپے جرمانہ کی سزا بھی سنائی گئی ہے جبکہ شریک ملزمان صابر شاہ اور ثقلین کو عمر قید اور 20، 20 لاکھ روپیجرمانے کی سزا سنائی گئی ہے۔ پولیس کی جانب سے مجموعی طور پر 3 ملزمان کو نامزد کیا گیا تھا، عارف شاہ پر سردار حمزہ کو اغوا کے بعد قتل کرنے کا الزام تھا۔ دوران تفتیش مقتول کی لاش مانسہرہ میں عارف شاہ کے آبائی گھر سے ملی تھی۔

حمزہ خان کے قتل کا مقدمہ تھانہ آبپارہ میں درج ہے، حمزہ کے قتل کا مقدمہ ان کے بھائی وقار کی مدعیت میں درج کیا گیا تھا۔مقتول حمزہ اور مجرم عارف شاہ کے درمیان زمین کا تنازع تھا، اس قتل کیس کی مجموعی طور پر 40 سے زائد سماعتیں ہوئیں۔