لاہور (این این آئی) لاہور کے علاقے نواب ٹائون میں 4کروڑ روپے مالیت کی واردات کا ڈراپ سین ہو گیا،
پولیس نے کارروائی کرتے ہوئے 2خواتین سمیت 3 ملزمان کو گرفتار کر لیا۔پولیس کے مطابق ملزمان کو لاہور سے باہر ٹریس کرتے ہوئے گرفتار کیا گیا۔ گرفتار گینگ میں شامل دو خواتین متاثرہ خاندان کے گھر میں ملازمہ کے طور پر کام کرتی تھیں۔پولیس کا کہنا ہے کہ یہ واردات 10مئی کی رات شاہد نامی شہری کے گھر کی گئی، جس میں ملزمان نے گھر میں نقب زنی کر کے قیمتی زیورات لوٹ لیے۔گرفتار ملزمان سے ہیرے کے سیٹ، انگوٹھیاں، کنگن اور چوڑیاں برآمد کر لی گئی ہیں۔
تحقیقات کے مطابق ملازمہ خواتین نے ریکی کر کے اہلخانہ کی غیر موجودگی میں واردات کی منصوبہ بندی کی۔پولیس آپریشنز ونگ نے لوکیشن ٹریسنگ کی مدد سے ملزمان کو گرفتار کیا۔
