اسلام آباد (نیوز ڈٰیسک)وفاقی دارالحکومت میں سوشل میڈیا پر ترنول ریلوے پھاٹک کو ’’آبنائے ہرمز‘‘ سے تشبیہ دینے والے شہری کو پولیس نے حراست میں لے لیا
اور اس کے خلاف مقدمہ بھی درج کر دیا گیا ہے۔پولیس حکام کے مطابق ایک صارف خرم نذیر نے آن لائن پوسٹ میں ترنول پھاٹک کی بندش اور ٹریفک کی صورتحال کا تقابل حساس عالمی آبی گزرگاہ آبنائے ہرمز سے کیا تھا، جسے حکام نے نامناسب قرار دیا۔اس معاملے پر تھانہ ترنول میں سرکاری مدعیت میں کیس درج کیا گیا، جس میں ملزم پر تین مختلف قانونی دفعات عائد کی گئی ہیں۔ پولیس کا کہنا ہے کہ فوری کارروائی کرتے ہوئے مذکورہ شہری کو گرفتار کر لیا گیا ہے۔
یاد رہے کہ حالیہ عرصے میں ایران اور اسرائیل کے درمیان کشیدگی کے باعث آبنائے ہرمز عالمی سطح پر ایک حساس موضوع بن چکی ہے، اور اس کی ممکنہ بندش سے خطے میں توانائی کے مسائل پر بھی اثرات مرتب ہو رہے ہیں، جن کا اثر پاکستان تک محسوس کیا جا رہا ہے۔
