اسلام آباد (نیوز ڈ یسک) حج پر جانے والے پاکستانیوں کے لیے ایک اہم سہولت کا اعلان کیا گیا ہے،

جس کے تحت انہیں سعودی عرب میں قیام کے دوران مفت سم کارڈ فراہم کیا جائے گا۔حکومتِ پاکستان کے مطابق رواں سال حج کی ادائیگی کے لیے جانے والے عازمین کو رابطوں میں آسانی دینے کے لیے مقامی سم بلا معاوضہ دی جائے گی، جس میں کالز اور انٹرنیٹ دونوں کی سہولت شامل ہوگی۔

تفصیلات کے مطابق طویل مدت (40 دن) کے حج پیکیج پر جانے والے افراد کو 600 مقامی اور بین الاقوامی منٹس کے ساتھ 40 جی بی انٹرنیٹ ڈیٹا فراہم کیا جائے گا۔جبکہ مختصر مدت کے پیکیج کے تحت سفر کرنے والے عازمین کو 300 منٹس اور 25 جی بی ڈیٹا دیا جائے گا، تاکہ وہ دورانِ قیام اپنے اہل خانہ اور دیگر افراد سے باآسانی رابطے میں رہ سکیں۔