لاہور( این این آئی)وزیر تعلیم رانا سکندر حیات نے پنجاب بھر کے سکولز، کالجز اور جامعات کو جمعہ کے روز آن لائن کلاسز لینے کی اجازت دے دی ہے۔
سماجی رابطے کی ویب سائٹ ایکس پر صوبائی وزیر تعلیم رانا سکندر حیات نے لکھا کہ اس اقدام کا مقصد موجودہ حالات میں تعلیمی سرگرمیوں کو جاری رکھنا ہے جبکہ طلبہ، اساتذہ اور والدین کے تعاون اور صبر کو سراہا گیا ہے۔محکمہ تعلیم پنجاب کی جانب سے نوٹیفکیشن کے مطابق سکول جمعہ، ہفتہ اور اتوار کو بند رہیں گے اور اس طرح تدریس ہفتے میں 4 دن ہوگی۔نوٹیفکیشن کے مطابق جمعے کی چھٹی کا اطلاق سرکاری اور پرائیویٹ سکولز دونوں پر ہی ہوگا، سوموار سے جمعرات تک سکولز 8 بجے سے ڈیڑھ بجے تک کھلے رہیں گے۔
