لاہور( این این آئی)سروسز ہسپتال لاہور کے آپریشن تھیٹر میں موبائل فون کی روشنی میں سرجری کرنے کی ویڈیو سامنے آگئی،

وزیر اعلی پنجاب مریم نواز نے محکمہ صحت سے رپورٹ طلب کر لی۔ہسپتال انتظامیہ کے مطابق گزشتہ شام بارش کے باعث سروسز ہسپتال میں بجلی بند ہوئی تھی، بارش کے باعث ایک سے دو منٹ کے لیے بجلی بند ہوئی، تکنیکی مسئلے کے باوجود ڈاکٹرز نے کام جاری رکھا۔دوسری جانب وزیر اعلی پنجاب نے سروسز ہسپتال میں بجلی کی بندش اور موبائل فون کی روشنی میں آپریشن کا نوٹس لیتے ہوئے محکمہ صحت سے رپورٹ طلب کر لی۔