لاہور ( این این آئی) صوبائی دارالحکومت میں ہوٹل ملازم نے 7سالہ بچی کو اپنی ہوس کا نشانہ بنا ڈالا۔

گلبرگ چوکی فردوس مارکیٹ پولیس نے 15کال پر کارروائی کرتے ہوئے ملزم کو گرفتار کرلیا۔ پولیس کے مطابق ہوٹل ملازم نے 7سالہ بچی سے زیادتی کی۔بچی اپنی والدہ کے پاس چھوٹے بھائیوں کے ساتھ سیون اپ پھاٹک کے قریب کھیل رہی تھی کہ کھیلتے کھیلتے قریبی نجی ہوٹل میں چلی گئی، جہاں ہوٹل ملازم شریف عرف اللہ رکھا نے بچی کو ہوٹل میں زیادتی کا نشانہ بنایا ۔بچی کی حالت غیر ہونے پر والدہ نے اس سے دریافت کیا، جس پر بچی نے زیادتی سے متعلق بتایا ۔ایس پی ماڈل ٹائون نے کہا کہ ملزم کے خلاف مقدمہ درج کرکے اسے جینڈر سیل کے حوالے کردیا گیا ہے۔ انہوں نے کہا کہ بچوں کا استحصال کرنے والے کسی رعایت کے مستحق نہیں ۔