گوادر (این این آئی)گوادر کی ضلعی انتظامیہ نے ایران جانے کیلئے رائج رہداری سسٹم بند کرنے کا نوٹیفکیشن جاری کر دیا۔
اسسٹنٹ کمشنر گوادر کے دفتر سے جاری اعلامئے کے مطابق ضلع انتظامیہ نے ایران جانے کے لیے جاری رہداری سسٹم کو تاحکم ثانی معطل کر دیا ہے۔ نوٹیفکیشن میں کہا گیا ہے کہ آئندہ کسی بھی فرد کو ایران جانے کیلئے رہداری جاری نہیں کی جائے گی۔حکام کے مطابق راہداری سسٹم کے تحت سرحدی علاقوں کے رہائشی بغیر ویزا اور پاسپورٹ کے پاکستان اور ایران کے درمیان آمد و رفت کر سکتے تھے۔ یہ سہولت صرف دونوں ممالک کے سرحدی علاقوں میں بسنے والے افراد کیلئے مخصوص تھی۔
مقامی افراد کے مطابق راہداری سسٹم کی بندش سے سرحد کے دونوں جانب رہنے والے خاندانوں کے درمیان میل جول متاثر ہوگا اور آمد و رفت میں مشکلات بڑھ جائیں گی۔
