لکی مرو ت(این این آئی)لکی مروت کے ٹرائبل سب ڈویژن بیٹنی میں پولیس موبائل کے قریب زور دار دھماکے کے نتیجے میں 6 پولیس اہلکار شہید اور ایک اہلکار زخمی ہوگیا۔

پولیس ترجمان کے مطابق دھماکا پولیس موبائل کے قریب ہوا جس کے نتیجے میں گاڑی کو شدید نقصان پہنچا۔پولیس کے مطابق شہید افراد میں ایس ایچ او تھانہ شادی خیل صدر اعظم بھی شامل ہیں۔ترجمان نے بتایا کہ واقعہ کے فوراً بعد علاقے میں سیکیورٹی ہائی الرٹ کر دی گئی ہے ۔پولیس اور سیکیورٹی فورسز نے علاقے کو گھیرے میں لے کر سرچ آپریشن شروع کر دیا ہے جبکہ زخمی اہلکار کو فوری طور پر قریبی ہسپتال منتقل کر دیا گیا ہے۔حکام کے مطابق دھماکے کی نوعیت اور ذمہ داروں کا تعین کرنے کیلئے تحقیقات جاری ہیں۔