لاہور( این این آئی)سوشل میڈیا پرسنلیٹی اورماہر نفسیات ڈاکٹرنبیہہ علی خان کے شوہرکے ساتھ خراب ازدواجی زندگی کے حوالے سے انکشاف کے بعد حارث کھوکھرکے والدکا بیان بھی سامنے آ گیاہے ۔
حارث کھوکھرکے والد نے نجی ٹی وی سے گفتگو کرتے ہوئے کہا کہ مولاجٹ مردوں میں ہی نہیں عورتوں میں بھی ہوتے ہیں،ڈاکٹرنبیہہ عورتوں کی مولاجٹ ہے،یہ صرف غبارے میں ہواہے اس کے علاوہ کچھ بھی نہیں ،کسی مردکوآپ کیسے چیلنج کرسکتے ہیں ،اگرمردکوآپ اس حدتک تنگ کردیں گی تو وہ سوچنے پر مجبو رہوجائے گاکہ میں نے کیاجھنجھٹ پال لیاہے،حارث کے ساتھ اس کی جوگھرمیں آخری ڈسکشن ہورہی تھی اس میں وہ یہی کہہ رہاتھاکہ تم ایک دودن کے لئے اپنے گھرجائوایک آدھ دن کے لئے مجھے بھی سکون کرنے دو۔حارث کھوکھرکے والد نے مزیدکہاکہ حارث شادی سے پہلے اپنے دوستوں کے ساتھ زیادہ وقت گزارتاہے اوراپنی تنظیم وائی ایم اے کے لئے کام کرتاتھا،شادی کے بعد وہ ہروقت گھرمیں ہوتاتھااگر باہرجانابھی ہوتاتھاتواس کے ساتھ جاتاتھا،اب ڈاکٹرنبیہہ کہتی ہیں کہ وہ مجھے باہر نہیں لے کرجاتاتھا،حارث کے کلپس سوشل میڈیاپرموجود ہیں جس میں وہ کم وبیش روزانہ ہی اس کے ساتھ باہرکھاناکھانے جاتاتھاجس میں دیکھاجاسکتاہے کہ حارث اس کے منہ میں نوالے ڈال رہاہے اوراس کے چونچلے اٹھارہاہے۔
حارث کھوکھرکے والد نے کہاکہ ڈاکٹرنبیہہ نے ایک اورلزام یہ بھی لگایاکہ مجھے اپنے بیڈروم کادروازہ بندکرنے کی اجازت نہیں تھی،یہ کوئی سینس کی بات ہے،کیاہم کوئی اجڈلوگ ہیں،ہم پڑھے لکھے لوگ ہیں ،ہماری فیملی میں پہلے سے بہوئیں بھی ہیں اوربیٹیاں بھی ،میری اپنی بیٹی ہے،یہ کیسے ممکن ہے کہ ہم اسے کہیں کہ آپ دروازہ کھلاچھوڑکرلیٹیں،یہ توعجیب اوربے تکی سی بات ہے جسے کوئی ماننے کوتیارنہیں ۔
