اسلام آباد (نیوز ڈیسک) وفاقی دارالحکومت میں گاڑیوں اور موٹر سائیکلوں پر ایم ٹیگ لگوانے کے لیے نئے اوقات کار مقرر کر دیے گئے ہیں تاکہ شہریوں کو زیادہ سہولت فراہم کی جا سکے۔
یہ اقدام رمضان المبارک کے دوران عوام کو آسانی دینے کے پیشِ نظر کیا گیا ہے۔محکمہ ایکسائز اینڈ ٹیکسیشن اسلام آباد کے مطابق 26 نمبر چونگی اور پھلگراں ٹول پلازہ پر اب ایم ٹیگ کی سہولت چوبیس گھنٹے دستیاب ہوگی۔ اس کے علاوہ ایف نائن پارک میں قائم مراکز صبح 9 بجے سے رات 9 بجے تک کھلے رہیں گے جہاں شہری اپنی گاڑیوں پر ایم ٹیگ لگوا سکیں گے۔
پولیس چیک پوسٹ جی 14 اور روات ٹی کراس پر بھی یہ سہولت فراہم کی جا رہی ہے۔ مزید برآں گلبرگ گرین، دامنِ کوہ، فیض آباد اور ملپور کے مراکز پر صبح 9 بجے سے شام 5 بجے تک ایم ٹیگ کی خدمات حاصل کی جا سکیں گی۔ مری روڈ نزد ٹیولپ ہوٹل، ایکسائز آفس، نائنتھ ایونیو اور مارگلہ ایونیو پر بھی شہریوں کے لیے خصوصی کاؤنٹر قائم کیے گئے ہیں۔
حکام نے شہریوں سے اپیل کی ہے کہ وہ مقررہ اوقات اور مقامات کا خیال رکھتے ہوئے بروقت ایم ٹیگ حاصل کریں تاکہ ٹریفک کی روانی بہتر بنائی جا سکے۔ انتظامیہ کے مطابق اس فیصلے سے نہ صرف عوام کو سہولت ملے گی بلکہ شہر میں ٹریفک مینجمنٹ بھی مزید مؤثر ہو سکے گی۔
وفاقی دارالحکومت میں گاڑیوں اور موٹر سائیکلز پر ایم ٹیگ کے حوالے سے شہریوں کی سہولت کے لیے ڈی جی ایکسائز کی جانب سے نئے اوقات کار جاری
26 نمبر اور پھلگراں ٹول پلازے پر 24 گھنٹے ایم ٹیگ لگوانے کی سہولت میسر ہوگی
شہری صبح 9 بجے سے رات 9 بجے تک ایف نائن پارک، پولیس چیک پوسٹ جی 14…
— DC Islamabad (@dcislamabad) February 26, 2026
