اسلام آباد (نیوز ڈیسک) وفاقی دارالحکومت میں گاڑیوں کے بعد اب موٹرسائیکلوں کے لیے بھی ایم ٹیگ لازمی کرنے کا فیصلہ کیا گیا ہے۔

ضلعی انتظامیہ کے مطابق اس مہم کا آغاز رمضان المبارک میں 20 فروری سے کیا جائے گا۔ میڈیا رپورٹس کے مطابق ڈپٹی کمشنر اسلام آباد نے بتایا ہے کہ بائیک مالکان مقررہ تاریخ سے ایم ٹیگ حاصل کرسکیں گے۔ ٹیگ کے حصول کے لیے موٹر سائیکل کے اصل کاغذات اور مالک کا شناختی کارڈ پیش کرنا ضروری ہوگا۔ اس فیصلے کا اطلاق ہر قسم کی موٹر سائیکل پر ہوگا، جن میں عام بائکس، بائکیا سروس، ہیوی بائکس اور دیگر تمام اقسام شامل ہیں۔

انتظامیہ کا کہنا ہے کہ اب تک شہر میں چھ لاکھ سے زیادہ گاڑیوں کو ایم ٹیگ جاری کیے جاچکے ہیں، جبکہ بائکیا اور آن لائن ٹیکسی سروسز کی علیحدہ رجسٹریشن کا عمل بھی جاری ہے۔