کراچی(این این آئی)پاکستان انٹرنیشنل ایئرلائنز کے ریٹائرڈ ملازمین کیلئے پی آئی اے میں میڈیکل سہولیات مکمل بند کر دی گئیں۔
میڈیکل سہولیات بند ہونے سے ریٹائرڈ ملازمین شدید پریشانی کا شکار ہوگئے۔ ذرائع کے مطابق نجکاری کے بعد ریٹائرڈ ملازمین کی میڈیکل سہولیات اسٹیٹ لائف انشورنس کمپنی کو منتقل کی گئیں تاہم تاحال بڑی تعداد میں ریٹائرڈ ملازمین کی بایومیٹرک نہیں ہو سکی۔بایومیٹرک سے قبل انشورنس کمپنی بھی میڈیکل سہولیات فراہم نہیں کرے گی۔ پی آئی اے میڈیکل سینٹر کراچی میں پیرکوریٹائرڈ ملازمین کا شدید رش دیکھا گیا۔ذرائع کے مطابق 15فروری کے بعد پی آئی اے انتظامیہ نے ریٹائرڈ ملازمین کو میڈیکل سہولیات بند کر دی ہیں ۔
