اسلام آباد (نیوز ڈیسک)خیبر پختونخوا کے ضلع چارسدہ میں قائم باچا خان یونیورسٹی چارسدہ میں مبینہ طور پر بھارتی ترانہ گانے کے واقعے کے بعد
انتظامیہ نے چار طلبہ کو ادارے سے نکالنے کا فیصلہ کر لیا ہے۔یونیورسٹی ذرائع کے مطابق یہ واقعہ کیمپس کے اندر پیش آیا جس کی اطلاع ملنے پر معاملہ انتظامیہ کے نوٹس میں لایا گیا۔ تحقیقات مکمل ہونے پر اسے ضابطہ اخلاق کی سنگین خلاف ورزی قرار دیا گیا، جس کے بعد چاروں طلبہ کے خلاف سخت تادیبی کارروائی کرتے ہوئے انہیں یونیورسٹی سے خارج کر دیا گیا۔انتظامیہ کا مؤقف ہے کہ تعلیمی ماحول میں ایسے اقدامات قابلِ قبول نہیں جو ادارے کے قواعد یا نظم و ضبط کے خلاف ہوں۔ دوسری جانب بعض طلبہ اور مختلف حلقوں کی طرف سے اس فیصلے پر ملے جلے ردعمل کا اظہار کیا جا رہا ہے اور معاملے پر بحث جاری ہے۔
