لاہور( این این آئی)صوبائی دارالحکومت لاہورمیں 6 سے 8 فروری تک بسنت فیسٹیول کے تناظر میں سول ایوی ایشن اتھارٹی ہیڈکوارٹرز نے 3روز کیلئے نوٹم جاری کر دیا۔

نوٹم بسنت میں لاہور کی فضائی حدود میں پروازوں کی آمدورفت بارے جاری کیا گیا۔ نوٹم کے مطابق پائلٹس کو علامہ اقبال انٹرنیشنل پر ٹیک آف اور لینڈنگ کے دوران انتہائی محتاط رہنے کی ہدایت کی گئی۔پائلٹس کم اونچائی پر پرواز اور ٹیک آف کے مرحلے میں اضافی چوکس اور محتاط رہیں۔لینڈنگ کے وقت بھی پتنگ بازی کے ضمن میں انتہائی احتیاط کریں ۔