اسلام آباد (این این آئی)چیئرمین پاکستان تحریک انصاف بیرسٹر گوہرِ نے کہا ہے کہ عمران خان کی فیملی پر تنقید پارٹی پالیسی کے خلاف ہے،
بانی پی ٹی آئی کی بہنوں پر جملے کسنے والوں کے لیے پارٹی میں کوئی جگہ نہیں۔میڈیا سے گفتگو کرتے ہوئے بیرسٹر گوہر نے کہا کہ آج پی ٹی آئی کے پارلیمنٹرینز اور صوبائی اسمبلی کے ممبران کی بڑی بیٹھک ہوگی جس میں مختلف شعبوں کے پروفیسرز ملکی بہتری پر تفصیلی گفتگو کریں گے، عمران خان کی صحت سے متعلق اہم ڈسکشن ایجنڈے میں شامل ہوگی، اتحاد کی تاریخ پہلے ہی اعلان ہوچکا ہے، ہم اپنے موقف پر قائم ہیں۔انہوں نے کہا کہ 8تاریخ کو ملک گیر شٹر ڈان ہڑتال کی اپیل ہے، پورے پاکستان سے عوام کو احتجاج میں شامل ہونے کی درخواست کی گئی ہے، کے پی کے یا پنجاب کی تخصیص نہیں، احتجاج پورے ملک میں ہوگا۔انہوں نے کہا کہ 8فروری کو احتجاج رضاکارانہ ہوگا، کسی پر زور زبردستی نہیں، 8فروری کا دن جمہوریت کے لیے ایک بڑا سیاہ دن ہے۔
انہوں نے کہا کہ بانی پی ٹی آئی کی فیملی پر تنقید پارٹی پالیسی کے خلاف ہے، بانی پی ٹی آئی کی بہنوں پر جملے کسنے والوں کے لیے پارٹی میں کوئی جگہ نہیں، پارٹی رہنماں کو ضبط اور ذمہ داری کا مظاہرہ کرنا ہوگا۔
