لاہور( این این آئی)جنرل ہسپتال کی او پی ڈی کی چوتھی منزل سے 25 سالہ لڑکی نے چھلانگ لگا دی جسے شدید زخمی حالت میں سرجیکل ایمر جنسی میں منتقل کر دیا گیا،

متاثرہ لڑکی میڈیکل یونٹ 2 میں زیر علاج تھی۔بتایا گیا ہے کہ عائشہ نامی مریضہ نے اوپی ڈی کی چوتھی منزل سے چھلانگ لگائی جبکہ زخمی لڑکی کو علاج کے لیے سرجیکل ایمرجنسی منتقل کر دیا گیا ۔پولیس کے مطابق ذہنی توازن درست نہ ہونے کی وجہ سے لڑکی نے چھلانگ لگائی ۔ایس ایس پی آپریشنز کے مطابق لڑکی کا ذہنی توازن درست نہیں تھا ،بھائی کھانا لینے باہر گیا تو لڑکی نے چھت پر چڑھ کر چھلانگ لگا دی ،واقعہ کی قانونی کارروائی شروع کر دی گئی ہے۔25 سالہ عائشہ ولد محمد نواز کا تعلق ایبٹ آباد سے ہے