اسلام آباد (نیوز ڈیسک) حکومت نے سابق انسپکٹر جنرل پنجاب ڈاکٹر عثمان انور کو ڈائریکٹر جنرل فیڈرل انویسٹی گیشن ایجنسی (ایف آئی اے) مقرر کر دیا ہے۔
اس تقرری کا باقاعدہ نوٹیفکیشن بھی جاری کر دیا گیا ہے۔ یاد رہے کہ ڈاکٹر عثمان انور کو جنوری 2023 میں آئی جی پنجاب کی ذمہ داریاں سونپی گئی تھیں، تاہم گزشتہ روز ان کی جگہ راؤ عبدالکریم کو نیا آئی جی پنجاب تعینات کر دیا گیا تھا، جس کا اعلامیہ بھی جاری ہو چکا ہے۔ ذرائع کے مطابق راؤ عبدالکریم اس سے قبل ایڈیشنل آئی جی اسپیشل برانچ کے عہدے پر فائز تھے۔ اسی دوران راجہ رفعت مختار کو نارکوٹکس کنٹرول ڈویژن میں نئی ذمہ داریاں سونپ دی گئی ہیں۔
ان تقرریوں کے ساتھ ہی اعلیٰ پولیس و وفاقی اداروں میں انتظامی سطح پر اہم تبدیلیاں عمل میں آئی ہیں۔
