قصور (این این آئی)قصور کے علاقے مصطفی آباد میں 3سال کا بچہ شادی ہال کے سیوریج کے کھلے مین ہول میں گر کر جاں بحق ہو گیا،

اسسٹنٹ کمشنر نے واقعے کا نوٹس لیتے ہوئے شادی ہال کو سیل کردیا۔ریسکیو حکام کے مطابق مصطفی آبادکے شادی ہال کے باہر کھیلتے ہوئے 3سال کا بچہ مین ہول میں گرا، والدین اور مقامی افراد نے بچے کو نکال کر ہسپتال منتقل کیا،جہاں وہ دم توڑ گیا۔ اسسٹنٹ کمشنر غلام فاطمہ نے نوٹس لیتے ہوئے شادی ہال کو سیل کر دیا جبکہ غفلت برتنے پر شادی ہال کے مالک کو بھی گرفتار کرنے کا حکم جاری کر دیاہے ۔بچے کے والد نے بیان جاری کرتے ہوئے کہا کہ لاہور واقعے کے بعد بھی مقامی انتظامیہ نے کوئی ایکشن نہ لیا، میرے بیٹے کی کل سالگرہ تھی، آج وہ ہمارے ہاتھوں میں دم توڑ گیا، مریم نواز کا کسی نے اثر نہیں لیا میرا بچہ چلا گیا میرے ساتھ بڑی زیادتی ہوئی ہے ،

میری وزیر اعلی اور اعلء حکام سے اپیل ہے یہ جو زیادتی ہو رہی ہے اس کو رکا جائے تاکہ کسی اور کی جان نہ جا سکے، وزیر اعلی کل بھی اس پر تقریر کر رہی تھی لیکن کیا اثر ہو رہا ہے بچے گٹر میں گر کر جاں بحق ہو رہے ہیں ۔