اسلام آباد (نیوز ڈیسک) لاہور کے علاقے شیرا کوٹ میں مسلح ڈاکوؤں نے چاندی فروخت کر کے واپس آنے والے ایک شہری کو نشانہ بنا ڈالا اور کروڑوں روپے لوٹ کر فرار ہو گئے۔
پولیس کے مطابق متاثرہ شخص دو ہزار تولے سے زائد چاندی فروخت کرنے کے بعد جا رہا تھا کہ راستے میں ڈاکوؤں نے اسے روکنے کی کوشش کی۔ شہری کی جانب سے مزاحمت کرنے پر ملزمان نے فائرنگ کر دی، جس کے نتیجے میں وہ زخمی ہو گیا۔پولیس حکام کا کہنا ہے کہ ڈاکو واردات کے دوران دو بیگوں میں موجود 2 کروڑ 17 لاکھ 55 ہزار روپے نقدی لے کر فرار ہو گئے۔ فائرنگ سے شہری کے ہاتھ اور ٹانگ پر گولیاں لگیں، جسے فوری طور پر طبی امداد کے لیے منتقل کر دیا گیا۔
پولیس کے مطابق واقعے کا مقدمہ درج کر لیا گیا ہے۔ مدعی نے بیان دیا ہے کہ وہ 2022 تولے چاندی فروخت کر کے واپس آ رہا تھا جب اسے اسلحہ بردار ڈاکوؤں نے لوٹ لیا۔ ملزمان کی تلاش کے لیے مختلف مقامات پر چھاپے مارے جا رہے ہیں۔
