اسلام آباد (نیوز ڈیسک)لاہور کے علاقے بھاٹی گیٹ میں داتا دربار کے قریب سیوریج لائن میں گرنے سے جاں بحق ہونے والی ماں اور بچی کی پوسٹ مارٹم رپورٹ منظرِ عام پر آ گئی ہے۔طبی رپورٹ کے مطابق خاتون اور اس کی کمسن بیٹی دونوں کے سروں پر چوٹوں کے واضح آثار موجود تھے، جبکہ جاں بحق خاتون سعدیہ کے دائیں کندھے کی ہڈی ٹوٹی ہوئی پائی گئی۔

رپورٹ میں مزید بتایا گیا ہے کہ 9 ماہ کی بچی ردا فاطمہ کی گردن کی ہڈی بھی شکستہ تھی، جبکہ سعدیہ کی کمر پر بھی متعدد زخموں کے نشانات موجود تھے۔ ابتدائی طبی نتائج کے مطابق دونوں کی موت سر اور گردن کی ہڈیوں کو پہنچنے والے شدید نقصان کے باعث ہوئی۔ادھر ذرائع کا کہنا ہے کہ پوسٹ مارٹم ایک خاتون ڈاکٹر نے انجام دیا، جس کے بعد رپورٹ کو باضابطہ طور پر سیل کر دیا گیا ہے۔