ٹنڈوالہ یار(این این آئی)ٹنڈوالہ یار میں دس سالہ معصوم بچی سے نوجوان کی مبینہ جنسی زیادتی کا واقعہ پیش آیا ہے،جس کے بعد واقعے کا مقدمہ درج کرلیا گیا ہے۔افسوسناک واقعہ ٹنڈوالہ یار کے بکیرا شریف کے گائوں میں پیش آیا دس سال کی بچی کو مبینہ جنسی زیاتی کا نشانہ بنایا گیا،ورثا نے علاقے کے نوجوان پر زیاتی کا الزام عائد کیا،تھانہ وومین ٹنڈوالہ یار میں پولیس نے واقعے کا مقدمہ درج کرلیا گیا۔ڈی ایس پی سٹی کے مطابق واقعے کامقدمہ درج کرکے بچی کو میڈیکل کے لیے ڈی ایچ کیو ٹنڈوالہ یار بھیجا ہے اور ملزم کی گرفتاری کے لیئے چھاپے مارے جارہے ہیں،جبکہ دوسری جانب نوجوان کے والد نے کہاکہ میرے بچے پر الزام ہے اس نے کوئی زیاتی نہیں کی۔