اسلام آباد (نیوز ڈ یسک)صادق آباد میں ادھار کی رقم واپس مانگنے پر ماموں نے اپنے بھانجے کو فائرنگ کر کے قتل کر دیا۔نجی ٹی وی سما نیوز کے مطابق واقعہ گزشتہ روز صادق آباد کے معروف چوک صادق کلب کے قریب پیش آیا۔ پولیس کے مطابق مقتول نے اپنے ماموں کو ساٹھ ہزار روپے ادھار دیے تھے، جن کی واپسی پر ماموں اور بھانجے کے درمیان تلخ کلامی ہو گئی۔

بعد ازاں ماموں نے ساتھیوں کے ہمراہ بھانجے کی گاڑی پر فائرنگ کر دی، جس کے نتیجے میں نوجوان موقع پر ہی جاں بحق ہو گیا۔ پولیس نے مقتول کے پوسٹ مارٹم کے بعد تھانہ سٹی میں مقدمہ درج کر کے ملزم کی تلاش شروع کر دی ہے۔