لاہور ( این این آئی)ملک بھر کے ایئرپورٹس پر نئی اور جدید اسکیننگ مشینز نصب کرنے کا فیصلہ کر لیا گیا ۔ذرائع کے مطابق اس حوالے سے سول ایوی ایشن اتھارٹی، ایئرپورٹس اتھارٹی اور ایئرپورٹ سکیورٹی فورس کی جانب سے تمام بڑے اور چھوٹے ایئرپورٹس کا تفصیلی سروے مکمل کر لیا گیا ہے۔
مشینوں کی تنصیب سے مسافروں کے سامان کی بروقت اسکیننگ میں مدد ملے گی، نئی جدید اسکیننگ مشینز لگانے کے بعد اسمگلنگ روکنے میں معاون ثابت ہوگا۔ نئی اسکیننگ مشینز سے سکیورٹی اقدامات بھی بہتر کرنے میں معاونت ہوگی، جدید اسکیننگ مشینز منصوبہ اربوں روپے مالیت کا ہے۔
