سرگودھا(این این آئی)سرگودھا میں پولیس کے حراساں کرنے اور دھمکیاں دینے سے تنگ آ کرمیاں بیوی نے کیڑے مار سپرے پی لیا جس سے ان کی حالت غیر ہو گئی جن کو تشویشناک حالت میں ہسپتال منتقل کر دیا گیا اور پولیس ان کے بیان پر مصروف تفتیش ہے۔

سرگودھا میں لاہور روڈ طالب والا مورو وال کے 42 سالہ اقبال اور اس کی 24 سالہ بیوی طیبہ اقبال نے کیڑے مار دوا(لمیڈا سپرے)پی لیا جن کو حالت غیر میں سیال موڑ نجی کلینک سے 1122 نے ریسکیو کر کے تشویشناک حالت میں ڈی ایچ کیو ٹیچنگ ہسپتال سرگودھا منتقل کر دیا ابتدائی طور پر معلوم ہوا کہ ان پرکیس چل رہا ہے اور ان کی ضمانت منظور ہو چکی ہے لیکن ایس ایچ او حراساں کئے ہوئے دھمکیاں دے رہا ہے جس سے تنگ آ کر میاں بیوی لیمڈا سپرے(کیڑے مار دوا)پی لی ہے۔پولیس ان کے بیان پر مصروف تفتیش ہے۔