لاہور (این این آئی) لاہور میں شہریوں سے صفائی کا بل لینے کے لئے نیا طریقہ کارطے کرلیا گیا۔صاف ستھرا پنجاب، صفائی بل اب محکمہ ایکسائز وصول کرے گا۔ 6 ماہ تک ماہانہ جبکہ جون 2026ء سے سالانہ بل دینا ہوگا۔ 3مرلے کے گھر پر ٹیکس نہیں ہوگا۔

بتایا گیا ہے کہ جنوری 2026سے ایکسائز ابتدائی طور پر ماہانہ بل وصول کرے گا، جون 2026ء سے بل ماہانہ کی بجائے سالانہ وصول کیا جائے گا۔ 5مرلے سے 2کنال والا گھریلو صارف 300سے2ہزار روپے صفائی بل دے گا۔کمرشل کے لئے اربن ریٹ 500سے 2ہزارروپے مقرر کیا گیا ہے، دیہی گھریلو صارف کو200سے 400روپے صفائی بل دینا ہوگا۔ دیہی کمرشل صارف 300سے 1000روپے تک صفائی بل دے گا۔