لاہور( این این آئی)کرائم کنٹرول ڈیپارٹمنٹ کے اختیارات میں مزیداضافہ کردیاگیا،پنجاب کابینہ نے سی سی ڈی کوخواتین اوربچوں سے متعلق جرائم کی تفشیش کااختیاربھی سونپ دیا۔سی سی ڈی میں سپیشل سیکشوئل آفینس انویسٹی گیشن یونٹ بنانے کی منظوری دیدی گئی، سی سی ڈی کوانویسٹی گیشن ونگ میں تعینات تمام آفیسرزاوروسائل فراہم کئے جائیں گے،پنجاب بھر میں 263 یونٹس سی سی ڈی کے ماتحت ہوں گے،کرائم کنٹرول ڈیپارٹمنٹ کو5 ہزار سے زائد نفری بھی فراہم کی جائے گی۔ایس ایس اوآئی یو اس سے قبل انویسٹی گیشن ونگ میں قائم تھا،یونٹ انویسٹی گیشن حکام کے ماتحت بچوں اورخواتین کے کیسزکی تحقیقات کرتا تھا۔