لاہور(این این آئی)پنجاب اور خیبرپختونخوا کے مختلف علاقوں میں شدید دھند، حد نگاہ متاثر ہونے پر موٹرویز کے مختلف سیکشنز بند کردیے گئے ہیں۔ایم ون پشاور ٹول پلازہ سے رشکئی انٹرچینج، ایم تھری درکھانہ سے جڑانوالہ، ایم فور شیر شاہ سے خانیوال اور گوجرہ سے شورکوٹ جبکہ ایم فائیو رحیم یار خان سے روہڑی اور ملتان سے ظاہر پیر تک بند رہا۔

قومی شاہراہ پر حد نگاہ 100 میٹر رہ گئی، ٹریفک کی روانی متاثر ہوئی۔ترجمان موٹر وے پولیس کے مطابق فوگ سیزن میں شہری دن کے اوقات میں سفر کو ترجیح دیں، صبح 10 سے شام 6 تک سفری اوقات دھند سے محفوظ ہوتے ہیں۔