اسلام آباد(نیوز ڈیسک)اسلام آباد میں قومی اسمبلی کے اجلاس کے دوران ہلکا پھلکا اور دلچسپ منظر دیکھنے میں آیا۔کارروائی کے دوران ایوان کی نشستوں کے درمیان کسی رکن کے کچھ نوٹ گر گئے۔ اسپیکر ایاز صادق نے ان پیسوں کو ہاتھ میں لہراتے ہوئے اراکین کو توجہ دلائی کہ اپوزیشن کی آمد سے قبل یہ رقم فرش سے ملی ہے۔
اسپیکر کی جانب سے پیسوں کا ذکر ہوتے ہی کئی اراکین نے فوراً دعویٰ کرتے ہوئے ہاتھ بلند کر دیے کہ شاید یہ رقم ان ہی کی ہو۔ ایاز صادق نے مسکراتے ہوئے کہا کہ ’’یہ تو بارہ اراکین ہاتھ اٹھا چکے ہیں‘‘ جس پر ایوان میں قہقہے گونج اٹھے۔
