پشاور- خیبر پختونخوا کے گورنر فیصل کریم کنڈی کی تبدیلی کے امکانات مزید بڑھ گئے ہیں اور صوبے کے نئے گورنر کے لیے چھ مختلف ناموں پر غور جاری ہے۔نجی ٹی وی جیو نیوز نے ذرائع کے حوالے سے بتایا ہے کہ زیرِ غور ناموں میں تین سیاسی رہنما اور تین ریٹائرڈ فوجی افسران شامل ہیں۔ سیاسی شخصیات میں امیر حیدر خان ہوتی، آفتاب احمد شیرپاؤ اور پرویز خٹک کے نام سامنے آرہے ہیں۔

فوجی افسران کی فہرست میں لیفٹیننٹ جنرل (ر) خالد ربانی، لیفٹیننٹ جنرل (ر) غیور محمود اور لیفٹیننٹ جنرل (ر) طارق خان شامل ہیں۔ ذرائع کا کہنا ہے کہ لیفٹیننٹ جنرل (ر) غیور محمود اور لیفٹیننٹ جنرل (ر) طارق خان سابق آئی جی ایف سی رہ چکے ہیں، جبکہ لیفٹیننٹ جنرل (ر) خالد ربانی نے کور کمانڈر پشاور کے طور پر خدمات انجام دی ہیں۔