لاہور (این این آئی)لاہور کے علاقے کوٹ لکھپت میں ذہنی معذور لڑکی کو مبینہ جنسی زیادتی کا نشانہ بنا دیا گیا۔رپورٹ کے مطابق لاہور پولیس نے کہا کہ کوٹ لکھپت میں ذہنی معذور لڑکی کو زیادتی کا نشانہ بنایا گیا جس کے بعد ملزم فرار ہوگیا۔لڑکی کے بھائی کی مدعیت میں نامعلوم ملزمان کے خلاف مقدمہ درج کرلیا گیا ہے۔
پولیس کے مطابق 23سال کی لڑکی کو نامعلوم شخص تشویشناک حالت میں میو ہسپتال چھوڑکرفرار ہوگیا۔کوٹ لکھپت پولیس نے نامعلوم ملزمان کے خلاف مقدمہ درج کر لیا، پولیس نے متاثرہ لڑکی کے بھائی شہزاد کی مدعیت میں مقدمہ درج کیا۔پولیس نے کہا کہ لڑکی کا طبی معائنہ کرنے پر پتا چلا کہ آمنہ حاملہ ہے، ذہنی معذور لڑکی کو جنسی ہوس کا نشانہ بنایا جاتا رہا، ملزم کی تلاش کیلئے تمام پہلوئوں پر کام کیا جا رہا ہے۔
