راولپنڈی (این این آئی) لاہور ہائیکورٹ راولپنڈی بینچ نے 17کروڑ روپے کے بزنس فراڈ کیس میں گرفتار چینی باشندے کی ضمانت منظور کرلی۔تھانہ وارث خان پولیس نے ملزم ین جن فو کو 20اکتوبر کو گرفتار کیا تھا جس پر بزنس کے لین دین میں 17 کروڑ روپے کے فراڈ کا الزام تھا۔

عدالت نے قرار دیا کہ لین دین کے حوالے سے کوئی چیک یا اشٹام پیپر موجود نہیں، صرف زبانی الزام کی قانونی حیثیت نہیں ہوتی۔جسٹس صداقت علی خان نے ملزم کی ضمانت منظور کرتے ہوئے 2لاکھ روپے کے ضمانتی مچلکے جمع کرانے کا حکم دے دیا۔