راولپنڈی (این این آئی)انسداد کسٹم جرائم کی خصوصی عدالت نے 3کروڑ 14لاکھ روپے مالیت کے 60آئی فون اسمگل کرنے کے کیس میں ملزم ظہور کو جرم ثابت ہونے پر 6سال قید کی سزا سنا دی۔

جج شبانہ رسالت نے فیصلہ سناتے ہوئے ملزم کی تمام منقولہ اور غیر منقولہ جائیداد بھی ضبط کرنے کا حکم دے دیا جبکہ قبضے میں لئے گئے 60پیک بند آئی فون بھی بحق سرکار ضبط کا حکم دیا۔ واضح رہے کہ ملزم دبئی سے یہ قیمتی آئی فون پاکستان اسمگل کرتے ہوئے گرفتار ہوا، ملزم ظہور کو اسلام آباد انٹرنیشنل ایئرپورٹ سے گزشتہ ماہ گرفتار کیا گیا تھا۔سزا کے بعد ملزم کو کمرہ عدالت سے گرفتار کرکے اڈیالہ جیل منتقل کر دیا گیا۔