اسلام آباد ۰نیوز ڈیسک) ااسلامی نظریاتی کونسل کے سابق چیئرمین مولانا محمد خان شیرانی نے اپنی زندگی کے 92 ویں سال میں دوسری شادی کر لی۔نجی ٹی وی اے آر وائی نیوز کے مطابق مولانا شیرانی کا نکاح گلگت بلتستان سے تعلق رکھنے والی ایک خاتون سے اسلام آباد میں ایک مختصر اور سادہ تقریب میں ہوا، جس میں علماء اور معزز شخصیات نے شرکت کی اور انہیں شادی کی مبارکباد دی۔

مولانا محمد خان شیرانی نے میڈیا سے گفتگو میں نکاح کی تصدیق کرتے ہوئے کہا کہ یہ ان کی دوسری شادی ہے۔ ان کی پہلی اہلیہ کچھ عرصہ قبل انتقال کر گئی تھیں۔رپورٹ کے مطابق مولانا شیرانی کی عمر اے آر وائی نیوز کے مطابق 92 سال ہے، تاہم وکی پیڈیا پر درج معلومات کے تحت ان کی عمر تقریباً 77 سال بتائی گئی ہے۔