پشاور (این این آئی)پشاور کے علاقے چمکنی میں شوہر نے بیوی اور 2 بیٹیوں کو فائرنگ کرکے قتل کرنے کے بعد خود کو بھی گولی مارکر اپنی زندگی کا خاتمہ کردیا۔تفصیلات کے مطابق پشاور میں انتہائی افسوسناک واقعہ پیش آیا ہے جہاں فضل حیدر نامی شخص نے پہلے اپنی بیوی کو فائرنگ کرکے قتل کیا اور پھر 2 بیٹیوں کو بھی فائرنگ کرکے قتل کردیا۔
ملزم فضل حیدر نے بیوی اور بیٹیوں کو قتل کرنے کے بعد خود کشی کرلی، ملزم نے خود کو گولی مارکر اپنی جان کا خاتمہ کیا۔پولیس نے بتایا ہے کہ افسوسناک واقعہ چمکنی کے علاقے میں پیش آیا ہے تاہم واقعے کی وجہ فوری طور پر سامنے نہیں آئی جب کہ فضل حیدر کی دونوں بیٹیاں منہل اور مرہا جڑواں تھیں جن کی عمر 6 سال تھی۔
