اسلام آباد (نیوز ڈیسک) — وفاقی تعلیمی بورڈ نے امتحانی نتائج کے لیے نیا گریڈنگ فارمولا متعارف کرا دیا ہے، جو سال 2026 سے نافذ ہوگا۔ یہ نیا نظام میٹرک اور انٹرمیڈیٹ کے فرسٹ ایئر کے امتحانات پر لاگو ہوگا۔

جاری کیے گئے نوٹیفکیشن کے مطابق، امتحانات میں 96 سے 100 فیصد نمبر حاصل کرنے والے طلبہ کو A++ گریڈ دیا جائے گا، جب کہ 91 سے 95 فیصد نمبرز حاصل کرنے والے A+ گریڈ کے حق دار ہوں گے۔ اسی طرح 86 سے 90 فیصد نمبر لینے والوں کو A گریڈ دیا جائے گا۔

مزید تفصیلات کے مطابق، 81 سے 85 فیصد نمبروں پر B++، 76 سے 80 فیصد پر B+ اور 71 سے 75 فیصد حاصل کرنے والے طلبہ کو B گریڈ دیا جائے گا۔

جبکہ 61 سے 70 فیصد نمبروں والے طلبہ کو C+ اور 51 سے 60 فیصد حاصل کرنے والوں کو C گریڈ دیا جائے گا۔

اس کے علاوہ، 40 سے 50 فیصد نمبر حاصل کرنے والے طلبہ کو D (Emerging) گریڈ دیا جائے گا، جبکہ 40 فیصد سے کم نمبر لینے والے طلبہ کو Ungraded تصور کیا جائے گا۔

نوٹیفکیشن میں مزید کہا گیا ہے کہ ناکام طلبہ کو دوبارہ امتحان دینے کی اجازت ہوگی، بشرطیکہ وہ دیگر تمام تعلیمی شرائط پر پورا اتریں۔