اسلام آباد (نیوز ڈیسک)اسلام آباد کی ایک مقامی عدالت نے جج ہمایوں دلاور کے خلاف سوشل میڈیا پر چلائی جانے والی مہم کے مقدمے میں معروف یوٹیوبر عمران ریاض خان کے وارنٹ گرفتاری جاری کر دیے۔تفصیلات کے مطابق، ڈسٹرکٹ اینڈ سیشن کورٹ اسلام آباد میں جج ہمایوں دلاور سے متعلق سوشل میڈیا مہم کیس کی سماعت ہوئی، جس دوران نیشنل سائبر کرائم انویسٹی گیشن ایجنسی (NCCIA) نے عمران ریاض خان کی گرفتاری کے لیے عدالت سے رجوع کیا۔
سماعت کے بعد جوڈیشل مجسٹریٹ عباس شاہ نے این سی سی آئی اے کی درخواست منظور کرتے ہوئے عمران ریاض خان کے وارنٹ گرفتاری جاری کر دیے اور ان کی گرفتاری کا حکم دے دیا۔یاد رہے کہ جج ہمایوں دلاور کے خلاف سوشل میڈیا پر مہم چلانے کے معاملے پر این سی سی آئی اے کی جانب سے یہ کارروائی باقاعدہ طور پر عدالت میں دائر درخواست کے ذریعے کی گئی تھی۔
