اسلام آباد(نیوز ڈیسک) لاہور سے بازیاب ہونے والی 9ویں کلاس کی طالبہ نے عدالت کو بتایا کہ میں نے شادی کر لی اور اپنے شوہر کے ساتھ تھی۔نجی ٹی وی چینل دنیا نیوز کے مطابق لاہور ہائیکورٹ میں 9ویں کلاس کی طالبہ کی بازیابی کیلئے کیس کی سماعت ہوئی،کراچی سے لاپتہ ہونے والی لڑکی کو لاہور سے بازیاب کرکے عدالت پیش کیا گیا۔عدالت نے بازیاب ہونے والی لڑکی سے استفسار کیا کہ آپ کہاں تھی اتنے روز کہاں غائب تھی؟لڑکی نے جواب دیا کہ میں نے شادی کی ہے اور اپنے شوہر کے ساتھ تھی۔

عدالت نے لڑکی سے استفسار کیا آپ کون سی کلاس کی طالبعلم ہو اور آپ کی عمر کیا ہے؟لڑکی نے جواب دیا کہ میں 9ویں کلاس کی طالبعلم ہوں اور ساڑھے 17سال میری عمر ہے۔اس پر لڑکی کے والد نے نادرا کا ریکارڈ عدالت میں پیش کرتے ہوئے کہاکہ یہ جھوٹ بول رہی ہے اس کی عمر 15سال ہے،عدالت نے پراسیکیوٹر جنرل پنجاب کو معاملے کی تحقیقات کا حکم دیدیااورلڑکی کو ایک ہفتے کیلئے دارالامان بھجوا تے ہوئے سماعت 6اکتوبر تک ملتوی کردی۔