لاہور( این این آئی) سیشن عدالت نے پب جی گیم سے متاثر ہوکر گھر والوں کو قتل کرنے والے مجرم کو 100 سال قید کا حکم دے دیا۔ایڈیشنل سیشن جج ریاض احمد نے 2022 میں والدہ، بھائی اور دو بہنوں کو قتل کرنے والے علی زین کو جرم ثابت ہونے پر 100سال قید اور 40لاکھ روپے جرمانے کی سزا سنائی ۔ عدالت نے قرار دیا کہ علی زین نے2022 میں والدہ، بہن اور بھائیوں کو قتل کیا، ملزم کو 4 بار عمر قید کی سزادی جارہی ہے۔تھانہ کاہنہ پولیس نے2022میں مقدمہ درج کیا تھا، پراسیکیوٹر نے گواہان کوپیش کیا، عدالت کو بتایا گیا کہ ملزم نے رات کے 2 بجے گیم سے متاثر ہوکر گھر والوں پر فائرنگ کردی تھی۔