سوات (این این آئی)خیبر پختون خوا کے ضلع سوات اور گردونواح میں 4.6 شدت زلزلے کے جھٹکے محسوس کئے گئے ہیں جس کے باعث لوگوں میں خوف وہراس پھیل گیا ۔ زلزلہ پیمامرکزکے مطابق سوات اور گردونواح 4.6 شدت کا زلزلہ ریکارڈ کیا گیا ہے،زلزلے کی زیر زمین گہرائی 152کلومیٹر تھی،زلزلے کا مرکز کوہ ہندوکش کاپہاڑی سلسلہ تھا۔زلزلے کے بعد لوگوں میں خوف وہراس پھیل گیا،لوگ کلمہ طیبہ اوردرود شریف کا ورد کرتے ہوئے گھروں اور دفاتر سے باہر نکل آئے،تاہم کسی جانی و مالی نقصان کی اطلاع موصول نہیں ہوئی۔