راولپنڈی (این این آئی)راولپنڈی میں دسویں جماعت کی طالبہ کو شادی کا جھانسہ دیکر زیادتی کرنے والے اکیڈمی کے پرنسپل کو گرفتار کر لیا گیا ہے۔پیرودہائی پولیس نے دسویں جماعت کی طالبہ کی مدعیت میں مقدمہ درج کرلیا۔طالبہ نے ایف آئی آر میں الزام عائد کیا ہے کہ دسویں جماعت کے امتحان تھے، اکیڈمی میں ٹیوشن کے لیے جاتی تھی، اکیڈمی کے پرنسپل ملزم ضیاالرحمٰن نے شادی کا جھانسہ دے کر جسمانی تعلقات قائم کیے اور ریپ کرتا رہا۔
طالبہ نے الزام عائد کیا ہے کہ ملزم ضیا الرحمن نے دو دفعہ حمل بھی ضائع کرایا،پیرودھائی پولیس نے طالبہ کی درخواست پر مقدمہ درج کر کے ملزم کو گرفتار کر لیا ہے۔
