اسلام آباد/کوئٹہ(این این آئی)نیشنل سائبر کرائم انویسٹی گیشن ایجنسی نے اسلام آباد اور کوئٹہ میں کارروائی کرتے ہوئے 2ملزمان کو گرفتار کر لیا۔این سی سی آئی اے کے ترجمان کے مطابق این سی سی آئی اے اسلام آباد نے کارروائی کرتے ہوئے ایک ملزم کو گرفتار کیا ہے۔ انہوں نے کہا کہ ملزم سوشل میڈیا پر خود کو خاتون ظاہر کر کے نازیبا مواد حاصل کرتا تھا، ملزم سے موبائل فون اور مشتبہ سم برآمد ہوئی ہے۔
دوسری جانب این سی سی آئی اے نے کوئٹہ ایئرپورٹ روڈ سے خاتون کو بلیک میل کرنے میں ملوث ملزم کو گرفتار کیا ہے۔ترجمان نے کہا کہ ملزم کے موبائل سے خاتون کی ویڈیوز اور تصاویر برآمد ہوئی ہیں۔
