اوکاڑہ(این این آئی)اوکاڑہ کے نواح میں آتشیں اسلحہ سے مسلح افراد گن پوائنٹ پر گھر سے تین لڑکیوں کو زبردستی کیری ڈبہ میں اغوا کر کے لے گئے پولیس نے دس دن کی محنت سے لڑکیوں کو ضلع بہاولپور سے برآمد کرکے ایک ملزم کو گرفتار کر لیا ہے۔

تفصیلات کے مطابق اوکاڑہ کے نواحی قصبہ ڈھاری وٹواں 5جیڈی کے رہائشی نسیم سجاد کی کزنز 16سالہ سحر فاطمہ، 12سالہ نور بانو اور 13سالہ سدرہ یوسف اہل خانہ کے ہمراہ گھر سوئی ہوئی تھی کہ اچانک آتشیں اسلحہ سے مسلح بابر سہیل، محمد اکرم، زہراں بی بی اور جویریہ اپنے پانچ نامعلوم ساتھیوں کے ہمراہ دو عدد کیری ڈبہ میں سوار ہو کر آئے اور گن پوائنٹ پر 16سالہ فاطمہ، 12سالہ نور بانو اور13سالہ سدرہ یوسف کو زبردستی کیری ڈبہ میں اغوا کر کے لے گئے پولیس تھانہ چوچک نے مقدمہ درج کر کے دس دن کی محنت سے لڑکیوں کو بہاولپور سے برآمد کر کے ملزم بابر سہیل کو گرفتار کر کے تفتیش شروع کر دی ہے۔