اسلام آباد (این این آئی)پاکستانی نوجوان کی محبت میں گرفتار نیپالی لڑکی نے پاکستان پہنچ کر اسلام قبول کرکے نکاح کرلیا۔تفصیلات کے مطابق پاکستانی لڑکے ایوب کی محبت نے نیپالی لڑکی شمشا کو وطن چھوڑنے پر مجبور کر دیا، نیپالی لڑکی نے پاکستان آکر اسلام قبال کر کے نکاح کرلیا۔نیپال کی رہائشی لڑکی شمشادیوی جو کچھ عرصے سے امریکہ میں قیام پزیر ہے اس کی اختر نگر کے رہائشی لڑکے ایوب سے فون کے ذریعے دوستی ہوئی تھی جو بعد ازاں محبت میں تبدیل ہوگئی۔
نیپالی لڑکی شمشا نے پاکستان آنے کے بعد لیاقت پور کے پریس کلب میں اسلام قبول کیا اوربعد ازاں ایوب سے نکاح کرکے اپنا نام عائشہ رکھ لیا۔ایک انٹرویو میں عائشہ نے کہا کہ یہاں آنے سے قبل مجھے پاکستان کے بارے میں بہت سی غلط باتیں بتائی گئی تھیں کہ مت جائو پاکستان ڈینجر زون ہے، وہاں نہ جائو وہ آپ کے ساتھ اچھا سلوک نہیں کریں گے۔انہوںنے کہا کہ تمام خدشات کے برعکس مجھے پاکستان بہت اچھا لگا، یہاں کے لوگ بہت اچھے ہیں، یہاں کے کھانے بہت لذیزہیں۔
