لاہور(این این آئی)حکومت سازی کے بعد گورنرز کی تقرری کا معاملہ ، مسلم لیگ (ن )نے پنجاب میں رانا ثناء اللہ ک وگور نر بنانے کا فیصلہ کرلیا نجی ٹی وی نے ذرائع کے حوالے سے بتایاکہ گورنر پنجاب کیلئے رانا ثنا اللہ کا نام زیر غور ہے ، رانا ثنا اللہ کو ضمنی الیکشن نہ لڑوایا گیا تو گورنر پنجاب کے منصب پر لایا جائیگا، اس منصب پر لانے کا مقصد حکومتی امور میں مریم نواز کی سپورٹ کرنا ہوگا۔
ذرائع نے بتایا کہ لیگی رہنماؤں کے مطابق پنجاب میں تحریک انصاف اور دیگر جماعتیں حکومت کو ٹف ٹائم دے سکتی ہیں۔ذرائع کے مطابق لیگی رہنماؤں نے قیادت کو مشورہ دیا ہے کہ گورنر ہاؤس میں پارٹی کے سینئر اور تجربہ کار شخص کوبطور گورنر پنجاب تعینات کیا جائے، کوشش کی جائے کہ وفاق میں اتحاد کی بنیاد پر کسی اتحادی جماعت کو گورنر پنجاب کا عہدہ نہ دیا جائے۔
