لاہور( این این آئی)پاکستان مسلم لیگ (ن) نے ایک اور بڑی وکٹ حاصل کر لی ، لاہور کے حلقہ این اے 121سے آزاد حیثیت میں کامیاب ہونے والے رکن قومی اسمبلی اور پی ٹی آئی لاہور کے جنرل سیکرٹری وسیم قادر مسلم لیگ (ن) میں شامل ہو گئے ۔ وسیم قادر نے پاکستان مسلم لیگ (ن) کی سینئر نائب صدر و چیف آرگنائزر مریم نواز شریف سے جاتی امراء رائے ونڈ میں ملاقات کر کے شمولیت کا اعلان کیا ۔
اس موقع پر پاکستان مسلم لیگ (ن) لاہور کے صدر ملک سیف الملوک کھوکھر بھی موجود تھے ۔ وسیم قادر نے پاکستان مسلم لیگ (ن) کے قائد نواز شریف کی قیادت پر مکمل اعتماد کا اظہار کرتے ہوئے کہا کہ حلقہ کے عوام اور دوستوں کی مشاورت سے مسلم لیگ (ن) میں شامل ہو رہا ہوں۔مریم نواز نے مسلم لیگ (ن) میں شمولیت اختیار کرنے پر وسیم قادر کا خیر مقدم اور مبارکباد پیش کی ۔
