لاہور (این این آئی) تحریک انصاف کی رہنما ڈاکٹر یاسمین راشد کو لیگی امیدواروں سے چوتھی شکست ہوئی ۔ تفصیلات کے مطابق لاہور میں قومی اسمبلی کا حلقہ این اے 125نئی حلقہ بندیوں سے قبل این اے 120تھا جہاں 11مئی 2013ء کے عام انتخابات میں تحریک انصاف کی ڈاکٹر یاسمین راشد کو 52321 ووٹوں کے مقابلے میں مسلم لیگ (ن) کے قائد محمد نواز شریف نے 91666 سے زیادہ ووٹ حاصل کر کے شکست دی تھی ۔

نواز شریف کی نا اہلی کے بعد حلقہ این اے 120میں 11ستمبر 2017ء کو دوبارہ ضمنی انتخاب ہوا جس میں مسلم لیگ (ن) کے قائد نواز شریف کی اہلیہ کلثوم نواز مجموعی طور پر 61745 ووٹ لے کر پہلے جبکہ پی ٹی آئی کی ڈاکٹر یاسمین راشد 47099 ووٹوں کے ساتھ دوسرے نمبر پر تھیں۔25جولائی 2018ء کے عام انتخابات میں بھی تحریک انصاف کی ڈاکٹر یاسمین راشد کو مسلم لیگ (ن) کے امیدوار وحید عالم خان نے شکست سے دوچار کردیا ۔

نئی حلقہ بندیوںکے بعد یہ حلقہ 130ہو گیا اور 8فروری کو ہونے والے انتخابات میں پی ٹی آئی کی حمایت یافتہ آزاد امیدوار یاسمین راشد کا مسلم لیگ (ن) کے قائد نوازشریف سے مقابلہ ہوا جس میں انہیں مجموعی طور پر چوتھی شکست ہوئی ۔غیر سرکاری او ر غیر حتمی نتائج کے مطابق نواز شریف کو حلقہ این اے 130سے ایک لاکھ 71ہزار 24ووٹ جبکہ پی ٹی آئی کی حمایت یافتہ امیدوار ڈاکٹر یاسمین راشد کو ایک لاکھ 15ہزار 43ووٹ ملے۔