اسلام آباد(این این آئی)اسلام آباد کے سیکٹر جی نائن ٹو کے پولنگ سٹیشن نمبر دو میں پولیس اہلکار ووٹ ڈالنے میں رکاوٹ بن گئےـشہریوں کو سادہ بٹنوں والے فون بھی پاس رکھنے کی اجازت نہ مل سکی ـبعض شہریوں نے کہا کہ ہم پرائیوٹ ملازم ہیں ووٹ کاسٹ کر کے ہم نے ڈیوٹی پر جانا ہے یہ سادہ فون ہے پانچ منٹ آپ اپنے پاس رکھ لیں پھر بھی نہ مانے ،فون باہر رکھنے کیلئے بھی کوئی انتظامات نہیں ، اور نہ ہی فون آف کر کے اپنے پاس رکھنے کی اجازت دی جس کے باعث کئی ووٹر بغیر ووٹ دیئے گھروں کو واپس روانہ ہو گئےـ
شہریوں نے پولیس اہلکاروں سے کافی بحث وتکرار کیا کہ ٹیلی فون آپ اپنے پاس رکھ لیں لیکن پولیس اہلکاروں نے کہا ہم اپنے پاس نہیں رکھ سکتے ـسادہ بٹنوں والے فون بند کر کے ووٹ دینے کی بھی اجازت نہ ملنے پر شہری واپس چلے گئےـ
