ساہیوال( این این آئی ) ڈویژنل پبلک سکول اینڈانٹر کالج ساہیوال کے فرسٹ ائیر کے طالب علم محمد عبداللہ سے ہم جماعت 4طلباء کی اجتماعی زیادتی ویڈیو بنا کر با ر بار جنسی تشدد کا نشانہ بنایا۔طالب علم ذہنی توازن کھو بیٹھا ۔ مقدمہ درج کر کے دو طلباء کو گرفتار کرلیا گیا۔تفصیلات کے مطابق جی بلاک فرید ٹائون کے بیوپاری چوہدری محمد اجمل کے بھتیجے فرسٹ ائیر کے طالب علم محمد عبداللہ کو اس کے ڈویژنل پبلک سکول کے ہم جماعت 4طالب علموں عثمان، معیز،عادل،جبران اسے سکول میں اکثر تنگ کرتے تھے اور 8جولائی2023کو اسے فرید ٹائون اکیڈمی سے اپنے ہمراہ زبردستی لے گئے ۔
دیگر دو دوست طلباء شمیر لودھی اور موسیٰ کے ہمراہ نا معلوم مقام پر لے جا کر اجتماعی زیادتی باری باری کی ۔برہنہ حالت میں ویڈیو فلم بنائی اور ویڈیو سوشل میڈیا پر ڈالنے کی دھمکی دے کر بار بار بلوایا اور جنسی تشدد کرتے رہے ۔جس سے نوجوان ذہنی توازن کھو بیٹھا اور تعلیم ادھوری چھوڑ دی۔گھر کے کمرہ میں بند ہو کر رہ گیابچے کا باپ محمد اکمل جب ماہر نفسیات ڈاکٹروں کے پاس طالب علم محمد عبداللہ کو لے کر گیا تو محمد عبداللہ نے آہستہ آہستہ سارا ماجرا اور ملز موں کی طرف سے ہراساں کرنے کا انکشاف کیا تو چچا محمد اجمل کی مدعیت میں پولیس فرید ٹائون نے آج6طالب علموں کے خلاف مقدمہ 375اے ت پ درج کر کے تفتیش شروع کر دی اور دو طالب علموں عثمان اور عادل کو گرفتار کر لیا۔پولیس نے طالب علم کا ساہیوال ٹیچنگ ہسپتال سے میڈیکل لیگل بھی کرایا ہے۔
