خالق نگر(این این آئی)پنجاب میں میٹرک کے سالانہ امتحانات کی حتمی ڈیٹ شیٹ جاری کردی گئی ،پنجاب بورڈز کمیٹی آف چیئرمینز کی جانب سے صوبہ بھر میں مارچ میں شروع ہونیوالے میٹرک کے پہلے سالانہ امتحان2024کی حتمی ڈیٹ شیٹ جاری کردی گئی ہے ۔

ڈیٹ شیٹ کے مطابق فیصل آباد، سرگودھا، ساہیوال، گوجرانوالہ، ملتان، بہاولپور، ڈی جی خان، راولپنڈی اور لاہور بورڈز آف انٹرمیڈیٹ اینڈ سیکنڈری ایجوکیشنز کے زیر اہتمام 4مارچ کو انگریزی،6مارچ کو کیمسٹری و جنرل سائنس، 8مارچ کو فزکس اور اسلامیات اختیاری، 9مارچ کو اسلامک سٹڈیز، 11مارچ کوریاضی،12مارچ کومطالعہ پاکستان،14مارچ کوبائیالوجی اور کمپیوٹر سائنس،15مارچ کوترجم القرآن اور18مارچ کواردو کا پیپر ہوگا۔

پنجاب بورڈز کمیٹی آف چیئرمینز کے ترجمان کے مطابق کلاس نہم کے سالانہ امتحان میں 20مارچ کوانگلش، 22مارچ کوبائیالوجی و کمپیوٹر سائنسز، 25مارچ کوکیمسٹری و جنرل سائنس، 27مارچ کوفزکس و اسلامیات اختیاری، 28مارچ کوترجم القرآن، 30مارچ کواسلامک سٹڈیز، یکم اپریل کوریاضی، 3 اپریل کو اردو اور5 اپریل کو مطالعہ پاکستان(پاک سٹڈیز)کا پیپر ہوگا۔